Makabenepisyo sang P21.00 nga buying price sang produkto nga palay ang mga mangunguma dire sa syudad sang Koronadal sa tion nga magdeliver sang ila nga produkto nga palay sa National Food Authority ukon NFA South Cotabato.
Ini matapos suno kay NFA Provincial Manager Nelson Sanada nga nagdugang sang P2.00 ang city government sang Koronadal sa buying price sang NFA ngaP19.00 kada kilo sa idalom sang Modified Palay Assistance for Legislators and Local Governments Units ukon PALLGU.
Suno sa iya nagpirmahanay na sila sang Memorandom of Agreement sang city government sang Koronadal angot sa nasambit nga programa nga may katuyuan nga mabuligan ang mga mangunguma sa syudad sa pagbagsak sang buying price sang palay sa subong nga harvest season.
Samtang ginpaklaro ni Provincial Manager Sanada ginalimitahan lang sa singkwenta ka bags kada mangunguma ang mahatagan sang P21.00 nga buying price.
Nagalab-ot naman sa P5 million suno pa ang gin-alokar nga pondo sang lokal nga panggobyerno sang Koronadal para sa modified PALLGU.
Isa naman sa importante nga requirements suno pa amo nga yara sila sa listahan sang National Irrigation Administration nga lehitimo ang mga ini nga mangunguma sa syudad sang Koronadal.
