ILOILO CITY – Magatukod sang command center ang city government sa penthouse sang Iloilo City hall agud magmonitor sa nagakatabu sa syudad sang Iloilo kadungan sang nationwide transport strike.
Kadungan sini gin reitirate ni acting city mayor Jose Espinosa III ang deklarasyon sang national government nga wala sang klase sa public kag private schools sa tanan nga level lakip na ang State Universities and Colleges.
Ginmanduan ni Espinosa ang City Disaster Risk Reduction and Management Office, kag city health facilities nga magpabilin sa 24-hour operation ilabi na ang Iloilo City Reproductive and Maternity Clinic sa Lapaz kag Calumpang Lying-in Clinic agud magbantay sa possible magakinahanglan sang health services kag makaresponder gilayun sa tion sang kalamidad.
Magapahamtang man sang team ang city health malapit sa mga protest sites kag mass action areas.
Panugyan ni Espinosa dapat nga mangin handa ang tanan sa ano man nga hitabu.
On standby ang tanan nga salakyan sa syudad agud magamit sa tion sang pagkakinahanglan.
Nahibaluan nga wala sang strike diri sa syudad apang magahiwat lang sang transport caravan ang transport groups.
