Davao City- Mapasalamaton si Davao City Mayor Inday Sara Duterte- Carpio ngadto sa mga Dabawenyo ingon man sa lain pang katawhan nga mihatag og assistance sa syudad human sa sunod-sunod nga trahedya nga nabati karon sa dakbayan.
Matod sa Mayor adunay kapin 6 mil ka mga volunteers ang mitabang nga nag pack og mga relief goods aron itunol sa mga apektadong pamilya sa paghapak sa bagyong Vinta dinhi sa syudad.
Gawas niini aduna usab 234 groups and individuals nga mitunol og food ug non food items sa City Government Of Davao.
Segun ni Mayor Duterte nga karong Enero 3, muabot usab sa dakbayan ang People’s Republic of China aron mutunol og cash assistance sa mga nabahaan ingon man sa mga tagtungod sa NCCC Mall fire incident.
“We are grateful for the help of not just foreign governments but Dabawenyos, daghan kaayong mga taga Davao nga mitabang through the 6 days (flood incident) from December 23 hangtod karon nga nagatrabaho sila didto sa Task Force Davao and there was one time diri sa City Hall ug sa Sangguniang Panglungsod,” segun sa Mayor.
RadyoMaN Abi Bibera
