Davao City – Nasubo ang entero Davao City Tourism Operations Office sa pagkamatay sa usa sa mga frontliners sa Tent City (COVID-19 Isolation Facility), samtang ang usa padayon pang nagpaayo sa hospital human kini nakuryentihan niadtong Marso 16, 202, alas 2:49 sa hapon sa Davao International Airport.
Sa eksklusibong interbyu sa DXDC RMN Davao kang City Tourism Officer Generose Tecson, itunol sa City Government of Davao ang ayuda alang sa pamilya sa duha ka mga biktima sa electrocution incident.
Gibutyag ni Tecson, abagahon sa lokal nga gobyerno ang galastuhan sa haya ug lubong sa namatay nga utility worker nga giilang si Edgardo Lacabo, 31 anyos ug residente sa Purok 13, Tibungco ning dakbayan sa Davao.
“Nakikiramay po kami because it’s something na hindi po naming gustong mangyari and nagpapasalamat kami of course sa serbisyo nga aming kasamahan sa Tent City,” matud niini.
Angol usab ang CSU member nga si Akmad Catuyo, 39 anyos, residente sa Purok 14, Sirawan, Toril ning syudad.
Sa inbestigasyon sa Sasa Police Station, alas-12:45 sa hapon gisulayan pag-ayo sa duha ka biktima ang tent nga gipalid sa kusog nga hangin apan sa ilang pagplastar og balik sa tent, nakuryentihan ug nalagpot ang mga biktima tungod sa depektadong electrical wire nga konektado sa portable toilet (poralet).
Daling gi-respondehan sa medical personnel sa Tent City ug Central 911, ang mga biktimang nakahiagom og slight injury, samtang si Lacabo nakasinati og severe electric injury nga miresulta sa kamatayon.
Gi-repair usab sa Davao Light Power and Company, ang mga damaged electrical wires aron dili na ma-subli ang insidente.
RadyoMan Aimee Guinita
