Davao City – Ginasuta na karon sa City Government of Davao kung pila ang magasto ug unsa ang mga gikinahanglan sa pagtukod og Oxygen plant.
Matud ni Davao City Mayor Sara Duterte-Carpio (sa interbyu sa city-owned radio), usa kini sa plano sa lokal nga gobyerno sa pagsigurong adunay igong suplay sa Oxygen ang mga hospital ilabi na alang sa Coronavirus Disease 2019 (COVID-19) patients nga nanginahanglan niini.
“Apil na siya (Oxygen plant) sa mga plano karon nato. We are looking into it and we already asked for an estimate on how, what and how much is needed para sa isa ka Oxygen plant,” sulti sa Mayor.
Sa pagkakaron, nakig-koordinar kanunay ang lokal nga panggamhanan ngadto sa Oxygen manufacturers kung kaya ba nilang mahatag ang igong suplay nga gikinahanglan sa syudad ugaling musutoy ang kaso sa COVID-19.
Padayon usab karon ang inventory sa Department of Health (DOH) sa mga tangke sa Oxygen sa mga hospital ug pagsuta kung pila ang ilang gikinahanglang Oxygen tanks panahon sa surge sa COVID-19 cases.
RadyoMaN Kirby Manzon
