City hall bukas sa Sabado kag Dominggo para sa renewal sang business permits

66

SYUDAD sang Iloilo – Maga-extend sang opisina ang Iloilo city hall tubtob sa Sabado kag Dominggo.

Suno kay Business Permits and Licensing Office head Mr. Norman Tabud ini agud maka-accommodate sang mga aplikante sa renewal sang ila business permits.


Nahibaluan nga gintalana ang deadline sa business permits renewal sa Enero 21 kag ang indi makarenew sa husto nga tion may nagakaigo nga multa.

Pahayag ni Tabud kabahin man ini sang paglevel up sang serbisyo sang BPLO sa publiko.

Kaupod man nga gina-issue sang business permit ang Fire Safety Inspection Certificate, sanitary permit, kag tourism permit.

Ginabanta nga magataas sang 2,000 ang bag-o nga establishments nga magsulod subong nga tuig.

Sang nagligad nga tuig may kabug-usan nga 16,391 ka business permits nga naissue ang BPLO.// JFranco Reports




Photo via PN

Facebook Comments