General Santos City— Gipaklaro ni dra. Jett Oco, labaw sa city health gensan nga walay kaso sa novel coronavirus ang dakbayan sa gensan ug wala usa mga pasyenteng gipa-ilalom sa under monitoring o under investigation.
Sumala niya nga higayon nga adunay mga gituuhang kaso sa novel coronavirus, gilayong gina-isolate ang pasyente. Sintomas sa maong sakit mao ang ubo, lagnat, sip-on, pagluya sa lawas.
Apan gipaklaro niya nga higayon nga adunay mga gituuhang may dala nga virus, ang mga nasangpit ang ginabutan sa mga health faclity kung asa sila mahatagan ug igong pagtagad.
Nanawagan man usab si Dra Oco sa katawhan nga likayan ang magpakatag ug sayop nga mga impormasyon aron nga dili makadugang ug kahadlok sa publiko.
Kalabot niini, gibutyag ni Dra. Oco nga gihatagan na sila ug direktiba ni Gensan City Mayor Ronnel Rivera nga magmugna ug inter-agency task force uban ang Bureau Of Quarantine tumong niini aron nga masigurong walay makasulod sa dakbya nga may dalang mga virus.
Ana matud pa ang Civil Aviation Authority Gensan nga maoy nanguna sa maong task force pinaagi sa pagsiguro sa mga pasaherong musulod sa dakbayan agi sa General Santos City Internaional Airport.
Samtang sila City Health Office, ang padayon nga nakig-alayon sa tanang nga health facility aron nga masayran kung adunay mga ginapangdala nga may sintomas sa coronavirus.
