City Heights Kapitan Matutina blangko sa motibo sa pagpatay sa iyang Tanod

15

General Santos City–Blangko pa si City Heights Kapitan Richie Matutina sa motibo sa pagpatay sa iyang usa ka Barangay Tanod nga si Ramon Brotarlo nga taga Solidad State, Barangay City Heights Gensan.

Sumala sa kapitan nga wala man syay nasayrang may nakalaban ang nasampit o adunay nakabingkil nga posibleng miresbak kaniya.

Giangkon hinuon sa opisyal nga palainum ang biktima apan dili man kini sama sa ubang mga palainum nga kanunay gamaoy.

Gitugyan nalang ni kapitan Matutina ngadto sa kapulisan ang pag-imbistiga sa kaso ni Brotarlo.

Nanghinaot kini nga unta mailhan ang suspek sa krimen aron sa mahatagan ug hustisya ang kamatayon sa biktima.

Samtang gisaad usab ni Matutina nga ilang hisgutan sa Barangay council ang posibleng tabang nga ilang ihatag sa nabiling pamilya sa biktima.

Facebook Comments