General Santos City–Dili na matud pa trabaho karon sa LGU Gensan partikular na sa city housing sa syudad ang pag pahawa sa mga informal settler nga anaa sa kilid sa Gensan Reformatory Center nga mamahimong apektado sa pagahimuon nga construction sa maong buhatan.
Sumala pa ni Mary Ann Bacar ang labaw sa City Housing nga ang pamunuan na sa BJMP kon Bureau Of Jail Management And Penology ang magpahawa sa mga residente nga nagpuyo sa kilid sa ilang pader nga maigo extension sa City Jail.
Una na matud pang gidonate sa pamilyang Dsaproza ang luna nga gitindugan sa City Jail ug Police Regional Training Center sa City Government ug Gidonate usab sa LGU ngadto sa BJMP ug PNP hinunungdan nga wala nay katungod niini ang city government.
Apan ug mangyo ug tabang ang BJMP ngadto kang Gensan City Mayor Rivera ug sila manduan, posibling maghimo usab sila ug lakang aron tabangan ang BJMP aron papahawaon ang mgma residenting maigo sa Extension.(Dave Silagan)
