Ya revela el City Legal Officer Atty Jesus Carbon cay ta espera lang sila el causa que hay planta el Peuriculture Center 144 contra con el govierno local aserca el asunto del estado del Jollibee fastfoods locao na diila establisemiento.
Asegun con Carbon, admitido el Jolibee cay sila el agraviao partido este tiempo desfues ya chene problema na legalidad el diila establisemiento del uno del kinse mga outlets diila aqui na ciudad.
Si Carbon ya abla cay ya recivi sila manifestaccion desdel Freemont Corporation, el ta duenya con el Jolibee que hinde estos este tiempo enteresao planta caso contra con el govierno local, pero sila ta conforma con el Peuriculture manda planta caso contra con el presente administrasyon causa del asunto.
Triste si Carbon cay porcausa sila-sila lang entrel govierno local amo el man-plantahan caso porcausa con el un acto que se llama ” beyond the commerce of men”.
Nuay pa asegun recivi el oficina legal con algun caso que ta expecta sila planta el management del Peuriculture Center contra na govierno local quien ya man issue ya el pendiente closure order con el Jollibee Peuriculture na Myerkules que viene. – *Bhong Simbajon/RMN News*
