Malaybalay City, Bukidnon – Mukabat na matud pa sa halos 2, 000 ka mga negosyante ang nakakuha na sa ilang mga business permit sa siyudad sa Malaybalay.
Sa interview sa RMN ngadto kang City Licensing Officer Arturo “Bebot” Callao, gibutyag niini nga padayon ang ilang gipatuman nga business one stop shop kon BOSS aron mas mapadali ang pagkuha sa business permit.
Nasayran nga sa BOSS anaa na ang mga representante sa tanang buhatan nga mopirma isip rekisitos sa pagkuha ug permit.
Ang Boss gipahigayon karon sa main entrance sa bag-ong nga City hall sa Casisang, Malaybalay City.
Alayon niini, gi-aghat ni Callao ang mga wala pa nakalukat nga mga negosyante nga pahimuslan ang BOSS.
Gisiguro usab ninii nga dali ra ang proseso sa pagkuha sa permit sa Malaybalay.
Nagpahinumdom usab kini nga sa Enero 22 ang deadline sa pagkuha ug business permit nga walay penalty.
