City Mayor Ronnie Dadivas, wala sang ginpapanaog nga mando nga ipasara ang mga tindahan sa barangay nga indi magbayad sang buhis!

Roxas City, Capiz – Gin-athag sang officer-in-charge sang Business Permit and Licensing Office sang syudad nga wala sang may ginpapanaog nga mando si City Mayor Ronnie Dadivas nga ipasara ang mga tindahan okon negosyo sa Barangay Libas Roxas City.
Suno sa kay BPLO head Roselyn Estrebilla, ini ang malisyoso kag patalang nga mga isyu nga ginagamit ang pangalan sang alkalde.
Ginpahayag dugang ni Estrebilla nga sa subong yara pa lamang sila sa Brgy Lawaan nagapatigayon sang tax mapping.
Samtang una na nga nagpaguha sang pahayag ang alkalde sang syudad nga isa ka pagpatalang ang nasambitan nga akusasyon nga siya ang nagmando sang pagpasara sang mga tindahan sa barangay sang Libas.
Sa pihak nga bahin, aminado man si Estrebilla nga dapat nga magkuha sang business permit sa syudad ang mga tag-iya sang negosyo nga may yara sang gross income nga P50, 000 pesos kada tuig.

Facebook Comments