Valencia City, Bukidnon – Mas gipakusog matud pa ang City of Valencia Cooperative Development Council (CVCDC).
Sa interview sa RMN Malaybalay ngadto kang City Councilor Glenn Peduche, ang chairman sa committee on Labor, Employment and cooperative gibutyag niini nga dugay nang napalig-on ang usa ka ordinansa nga nagtukod sa (CVCDC) .
Tumong matud pa niini aron mahimong mas organisado ang mga cooperatiba nga anaa sa siyudad.
Sigun ni Peduche nga adunay kapin 20 ka mga kooperatiba ang Valencia nga gikan sa hanay sa mga mag-uuma ug uban pa.
Usa matud pa sa tinguha sa CVCDC nga adunay assessment ug makita ang mga problema sa mga kooperatiba.
Gawas matud pa niini adunay daghang programa ang gobyerno alang sa mga koop.
Nasayran usab ni Peduche nga adunay daghan miyembro sa koop nga nagpahulam ug financial assistance nga makatabang sa mga gagmay nga negosyante.
