City Ordinance vs ‘tall buildings’ dili kinahanglan

22

Davao City – Dili kumbinsido si Davao City Association of the Barangay Captain President Edgar Ibuyan Senior sa sugyot nga limitahan ang gihabugon sa mga gambalay nga gitukod ug itukod pa sa siyudad sa dabaw.

Subay niini, gipalanog ni Ibuyan Senior nga wala na kinahanglana ang ordinansa aron lang ma-regulate ang gitas-on sa mga gambalay sama sa hotel ug condominium nga wala ug tuo gitukod karon sa dakbayan.


Gibatbat ni Ibuyan Senior nga istrikto nga palisiya aron mandaran ang mga developers nga mugamit og teknolohiya nga magpalig-on sa mga pondasyon ang gininahanglan ug dili ang regulasyon.
Kay bisan og muabot pa og usa ka gatos kun pila lang ka andana ang gihabugon sa gambalay apan kun dili lig-on ang pondasyon sigurado dali ra gyod kini tumpagon hinay man o sa makusog nga linog.

Kahinumduman, daghan sa mga gambalay ug mga imprastraktura sa Pampanga sa kaulohan ang natum-pag human miigo ang magnitude 6.1 nga linog sa miaging mga adlaw.

Sa maong trahedya, kapin pulo ka mga tawo ang namatay ug kapin 80 ang naangol ug samtang kapin dos sientos milyones ang damyos sa mga imprastraktura busa gipailawom na karon sa state of calamity ang naasoy nga lugar.

Gipaklaro pa ni Ibuyan Senior nga dili sa gihabugon sa condominium nga gitukod sa bajada ang gitumbok ni Mayor Inday Sarah Duterte-Carpio sa pagsita niini sa developer kundi ang kataas sa crane.

Tungod sa kataas sa crane, diriyot mabangga ug madisgrasya ang usa ka kumersiyo nga depasaheroan nga eroplano samtang pa-landing sa Davao International Airport kapin tuig na nakalabay.

RadyoMaN Joel Viray

Facebook Comments

From Advertisers