Davao City – Naresolba na sa City Prosecutor’s Office ang upat ka mga kaso nga gipasang-at sa Inter Agency Anti-Arson Task Force niadtong Agosto 30 batok sa mga responsable sa December 23, 2017 NCCC Mall fire nga nikalas og 38 ka mga kinabuhi.
Sa interbyu sa DXDC RMN Davao ang City Prosecutor Nestor Ledesma nga duha sa upat ka mga kaso ang ilahang naduso, ang violation sa Republic Act 9514 o Revised Fire Code of the Philippines of 2008 ug falsification of public documents.
Gibutyag ni Ledesma wala na napadayon pa ang kasong reckless imprudence resulting to multiple homicide and multiple physical injuries.
“Ang surviving heirs of the 38 deceased persons nag-submit sila og affidavits of desistance ilahang gibutang didto nga dili na sila interesado nga ipadayon ang kaso unya ilaha ng gusto nga i-withdraw ang kaso against more or less 18 respondents sa reckless imprudence,” matud ni Ledesma.
Sumala ni Ledesma nga base sa ilahang findings nga dili liable sa kasong reckless imprudence resulting to multiple homicide and multiple physical injuries ang mga mall owners ug ang SSI.
“Walay nakita namo nga liability sa kadtong board of directors sa NCCC, board of directors sa SSI ug kadtong board of directors sa Rockport so bale ang ma-file an unta og kasong reckless imprudence kadtong si Engr. Wilson Velasquez who was the project in charge gyod sa NCCC mall nga renovation,”
“Sa criminal cases man gud kinahanglang imohang i-pin point kung unsa gyod tong particular act or participation sa usa ka respondent bag-o nimo siya ma-file an og kaso. Dili nimo pweding ipa-priso tong presidente o kanang mga corporate secretary or treasurer kay wala man silay gibuhat nga krimen o sala. So, there is no participation or act on the part of the board of officers, ang liable lang gyod kay siya man ang in charge sa renovation of the NCCC mall building bale na-dismissed pod ang kaso sa iyaha because of the affidavit of desistance,” matud ni Ledesma.
Segun sa prosekyutor nga ‘dismissed’ pod ang kasong reckless imprudence resulting to multiple physical injuries.
“Walay ebidensiya so na-dismissed pod siya,” sumala ni Ledesma.
Samtang gibutyag niini nga aduna silay Memorandum of Agreement sa Office of the Ombudsman ug nagsumite na sila sa ilang rekomendasyon kalabot sa kasong may kalapasan sa Republic Act 3019 or the Anti-Graft and Corrupt Practices Act.
“Atong gi-forward sa ilaha atoang recommendation kay sila ang mu-final ana, sila mag-determine kung ilahang aprubahan o i-reject ang atoang recommendation. Dili namo ma-disclosed kung unsa ang among gi-recommend,” segun ni Ledesma.
Kahinumduman nga gipasalig sa City Prosecutor’s Office nga tapuson nila ang ilahang preliminary investigation una pa man ang usa ka tuig nga anibersaryo sa NCCC Mall fire incident.
RadyoMaN Aimee Guinita
