Un PUJ driver ya sale muerto despues ya tira conele mientras ta maneja le jeep de pasajero na Culianan enantes madrogada.
Con el victima ya conose como si LIno Delos Reyes y Francisco, 48, casao de Lanzones.
El victima ya sostene un tupada de bala na esquierda carillo y yan lampas el bala na derecha orejas. Conele ya lleva na hospital pero ya declara conele dead on arrival el doctor.
Asegun na report del pulis Nuevo pa lang ta man viaje si Delos Reyes con el jeep estaba na Lanzones cargando maga gulay y cuando ya llega na curvada de Culianan ya para el vejiculo para carga pa maga benta perro tiene ya lang dos persona muntao na motor ya aparese y ya para na costao disuyu y el ancas ya tira conele.
El maga suspechao ya escapa na dirreccion del pueblo despues del incidente.
