Davao City – Mitaas sa 21% ang nakolektang tax sa Davao City Treasurer’s Office (CTO) sa bulan sa Enero ngadto sa Pebrero karong tuig 2018 kun itandi sa milabay’ng tuig 2017.
Sa Pulong-Pulong ni Pulong (PPP), gibutyag ni Davao Councilor Danilo Dayanghirang nga mokabat sa P2, 594, 263, 618.00 ang nakolekta karong tuiga gikan sa P2, 135, 118, 126.00 sa milabay’ng tuig.
Gibutyag sa Committee Chairman on Finance, Ways and Means and Appropriations, gikan kini nga koleksyon sa business tax ug real property tax.
Gani, malaumon si Dayanghirang nga makaabot sa P8.5 billion ang makolekta sa mosunod nga tuig.
Sa pikas bahin, miubos sa 28, 528 gikan sa 30, 550 sa first quarter ang na-release nga business permits sa Business Bureau.
Gipasabot sa konsehal nga gumikan kini sa pagdelatar sa proseso sa fire business permit gikan sa Bureau of Fire Protection (BFP).
RadyoMaN Jason Amisola
