City Veterinarian Dr. Roberto Dante Corros, nagtaliwan na!

64

Roxas City, Capiz – Ginbawian na sang kabuhi ang City Veterinarian sang syudad nga si Dr. Roberto Dante Corros.
Ini ang basi sa Facebook page ni Mayor Ronnie Dadivas.
Gin-admit sa ospital si Dr Dante Corros bangud sa mataas nga hilanat sang nakaligad nga adlaw sang Mierkules.
Nahibaluan nga diabetic, hypertensive kag may yara sang heart problem si Dr. Corros.
Sa subong ginahulat pa sang city government ang resulta sang RT-PCR result sini samtang insigida nga ginpaidalom sa quarantine kag ginkuhaan sang rapid test ang mga naka-close contact sini.
Sa madumdoman nga kahapon sang aga, gin-anunsyar sang gobyerno sang syudad ang suspension sang operasyon sa City Veterinians Office bangud may yara sang isa ka empleyado sini ang nagbalatian.
Bilang kabahin sang precautionary measure kag agud nga mapabilin ang safety sang kada empleyado, ginpatigayon ang nagakaigo nga pagdisinfect sa lugar.

Facebook Comments