General Santos City–Human sa outbreak sa African Swine Flu (ASF) sa Don Marcelino, Davao Occidental, mas gipakusgan pa sa City Veterinary Office ang pagpahigayon ug quaratine check point sa mga entrance sa Gensan.
Sumala ni Dr. Emilio Gargaran Jr. Chief sa Animal Health And Disease Control Division sa Gensan City Veterinary Office nga gawas sa ilang gimuntar nga quarantine check point sa area sa Tinagacan, Apopong ug Barangay Mabuhay, takda na usab nilang ablihan ang quarantine check point sa area sa barangay Bawing ug Barangay Buayan.
Tumong niini aron nga masigurong dili malutsan sa mga baboy nga gikan sa Don Marcelino kansa apektado sa ASF.
Sumala ni Dr. Gargaran nga tanang mga sakyanang may kargang hayop mapa meat van o sakyanan ng gikargahan ug live animal, ilang ginasuta kung adunay mga dukumento.
Higayon nga walay ipakitang dukumento ang nagdala niini dili gyud nila tugutan nga makasulod kini sa Gensan. Gina dis-infect usab nila ang mga meat van nga nagaagi sa ilang quarantine check point.
Dugang pagbutyag ni Dr. Gargaran nga usa sa mga hinungdan nganong gakatag ang ASF gumikan niining pipila ka mga tawo nga gahi ug ulo.
Luyo paman sa panawagan sa gobyerno nga dili magpalusot ug mga baboy o karne niini gikan sa mga lugar nga apektado sa ASF, daghan gihapon ang nagahimo niini mao nga padayon sa pagkatag ang ASF.
Bisag dinhi sa gensan aminado si dr. dargaran nga aduna gihapoy nagasuway ug pasulod ug karne ug buhing baboy sa syudad mao nga mas gipakusgan pa nila ang ilang monitoring.
