Davao City – Gikasubo sa class adviser sa 10 anyos nga bata ang paghunos niini sa iyang kinabuhi.
Wala makatuo ang titser tungod kay ang maong biktima usa kini sa iyang mga ginasaligang estudyante sa ilang klase.
Sa ekslusibong interbyu sa RMN Davao sa titser gisaysay niini nga pasekreto usab ang nahitabong paghusay sulod sa Principal’s Office sa insidente diin giingong ang maong bata ang gitudlo nga maoy nikuha sa kwarta sa tindahan uban usab ang complainant.
Gisulti sa magtutudlo nga plano unta niining direkta nga istoryahon ang inahan sa bata nga dili mabutang sa kaulaw aron mapahibalo ang problema.
Gibutyag sa magtutudlo nga wala silay requirements o balayrunon sa ilang klase nga mangihanglan og dakong kantidad.
Tambag niini sa mga ginikanan nga hatagan gayod og igong atensyon ang ilang mga anak taliwala sa ka-busy sa pagpanarbaho.
RadyoMaN Aimee Guinita
