Roxas City, Capiz- Kasado na ang pagbukas sang klase sa tanan nga pampubliko nga elementary kag secondary schools(Junior and Senior High) sa maabot nga Hunyo 4, 2018.
May kaangut sini, ginsiling ni Roxas City DepEd Division Schools Superintendent Dr. Roel Bermejo nga may yara na sang ginpahamtang nga operations kag monitoring center sa tagsa nga mga boluthoan para sa Oplan Balik Eskwela.
Diri mahimo nga makapalab-ot sang ila mga problema ang mga ginikanan nga nagapa-enroll sang ila kabataan nga mga estudyante.
Ang nasambit nga operations kag monitiroing center nga nag umpisa sang Mayo 21 kag magadugay tobtob Hunyo 8 kon sa diin kadungan man sini amo ang convergence meeting sang tagsa ka mga bulothoan sa mga narisari nga ahensiya sang gobyerno kaparehas sang Traffic Management Unit, PNP kag barangay tanod.
