Roxas City, Capiz- Liwat nga ginpanawagan ni Roxas City DepEd Schools Superintendent Dr. Roel Bermejo sa publiko nga makigbahin sa Brigada Eskwela 2018 nga programa sang DepEd.
may kaangot sini, iya nga gionkumpirmar nga may yara sang kick off ceremony sa maabot nga Mayo 28 sa Don Inocencio Del Rosario Memorial School sa Barangay Dayao kon sa diin mangin place of convergence amo ang public plaza.
Ang tuigan nga Brigada Eskwela ang ginakabig nga isa sa mga banner program sang DepEd kun sa diin sa bulig sang mga nagkatuhay nga mga stakeholders, ginapreparar ang mga hulot-klasehan agod nga sa pagbukas sang klase diretso na sa classroom instruction ang mga manunudlo.
Suno pa kay Bermejo nga pinaagi sini mapakita sang tagsa ka entity ang pagbuliganay agod nga mangin handa na ang tagsa ka mga boluthoan sa pagbukas sang klase.
