Clean up campaign gilusad

Davao City – Nagmalampuson ang gilusad nga Clean up campaign sa international volunteer group nga AZES We are One (AZES WAO) nahitabo Disyembre 10 alas-9:00 sa buntag sa may Sea Wall, Brgy. 76-A, San Pedro St. ning syudad.

Sumala ni Krisjie Caguimbal sa ASEZ WAO, ang maong kalihukan gipangunahan sa mga young adults ug university students nga naga boluntaryo og tabang sa World Mission Society Church of God.

Segun niini nga tumong sa maong aktibidad nga matabangan ang katawhan kinsa naka sinati og mga kalamidad sama sa linog, pagbuto sa bulkan, terroristic attacks ingon man gyera pinaagi sa kalihukan sa kabatan-onan kinsa maoy dako’g responsibilidad sa umaabot pang mga panahon.


“This volunteer service activity is being conductied from over 8,000 churches in 175 countries worldwide,” matud ni Caguimbal.

Nasayran nga bag-o ra usab nakadawat og award ang organisayson sa “UK Queen’s Award” tungod sa serbisyo niini.

Busa nanghinaot pa sila na daghan pa ang buot na mutabang sa pagsulbad niining problemaha ug aron usab dali nila na makab-ot ang hingpit na kaayuhan alang sa katawhan.

Gani mamahimo lang sila i-contact sa numerong 09465243760 sa buot mu-apil sa ilang mga adbokasiya.

Virgil James Claud, HCDC Intern

Facebook Comments