Davao City – Ubay-ubay ka mga sako sa basura ang nakolekta atol sa gipahigayon’g Coastal Clean-Up Drive karong adlawa sa may Sagrada Familia, Km. 12, Sasa ning syudad sa Davao.
Sumala ni Sasa Police Station 4 officer-in-charge Reuben Libera tumong niini nga makaestablisar og relasyon ang kapulisan ngadto sa komunidad alang sa mas halapad ug kusog nga pwersa sa pagsugpo batok sa kriminalidad.
Subay sa selebrasyon karong Hulyo nga PNP-Police Community Relations Month, gi-awhag ni Libera ang mga lumulupyo sa Sasa nga makig kooperar sa kapulisan panahon nga adunay mahagilap nga impormasyon kalabutan sa krimen aron madakpan ingon man masolusyonan.
Samtang mapasalamaton usab ang Sasa PNP sa DXDC RMN Davao isip media partner ingon man sa Sasa ug Panacan Barangay Council alang sa aktibong partisipasyon sa nagmalampuson’g aktibidad.
RadyoMaN Jason Amisola
