Ginpanugyan ni Governor Arthur “Toto”Defensor Jr. nga padayunon ang pagpaninlo sa kabarangayan sa probinsya sang Iloilo agud mapunggan ang padayon nga pagtaas sang kaso sang dengue.
Ini ang ginpahayag sang Gobernador matapos nagtakop na sang Hulyo 28 ang iya mandu nga maghiwat sang clean-up drive sa tagsa ka Sabado sa bilog nga bulan sang Hulyo.
Suno kay Defensor nga dapat susteneron ang pagpaninlo sang palibot sa bug-os nga probinsya kag dapat pangunahan ini sang mga Local kag baranga Officials.
Samtang, ginkalipay sang Gobernador ang pinakaulihi nga report sang Provincial Management Office nga nagapakita nga nagnubo sang 4% ukon 1,097 ang na-admit nga ginsuspetsahan nga may dengue sa 12 ka District Hospitals sa kabanwahan subong nga adlaw (Agosto 1) ikumparar kahapon (Hulyo 31) nga kapin sa 1,143 ang mga pasyente.
