Davao City – Dili nato tugtan nga manghitabo apan dili usab kita dayon manghinaway sa mga kasal-anan sa mga tawong simbahan kun mga nangalagad sa atong mga kasimbahanan.
Sa programang Straight to the Point, gipadayag ni Pastor Norman Molinos sa Family Life Philippines, usa ka Christian organization nga matuod gayud nga nakahatud ug lain na usab nga dagok sa imahe sa simbahang Katoliko sa Pilipinas ang pagkalambigit sa sexploitation sa usa ka Msgr. Arnel Lagarejos sa Rizal.
Si Lagarejos nasikop sa mga awtoridad samtang aktong dal-on sa motel sa Marikina ang usaka 13 anyos nga batan-on niadtong Hunyo 28.
Apan hugot usab gipahinumdom sa FLP officer nga gumikan kay tawo ra man ang mga lideres sa simbahan, kitang tanan ‘prone’ kun bulnerable sa mga tentasyun ug kasal-anan.
Matud ni Molinos, angay nga maghinay-hinay kita sa pagkondena sanglit kitang tanan mamahimo man usab nga masayop ug makasala hinungdan nga gikinahanglan ampoan nato kanunay ang atong mga kadagkuan sa kasimbahanan nga ma-iway sila sa dalan sa dautan haron magmatinud-anon sa ilang sagradong tahas ibabaw ning kalibutan.
Una niini, gipasalig sa Catholic Bishops Conference of the Philippines (CBCP) pinaagi kang Archbishop Emeritus Oscar Cruz, kinsa usa usab ka expert sa canon law nga dili niini duphan si Lagarejos hinonoa patubagon sa tanang mga alegasyun ug tunolan sa tugbang nga aksyon sa Vatican kun mapruwebahan.
“This case is considered the gravest violation of the commandments, abuse of minors… I don’t know [how long the investigation would take], it depends on how fast I could gather evidence … how fast I could get my testimonies,” matud sa arsobispo kinsa kanhi nangulo sa Lingayen Dagupan.
Kasamang June Duterte
