Davao City – Ang pagkunsad sa grabeng mga katalagman sa atong kapanahunan sama ni Hurricane Harvey, Hurricane Irma, bagyong ‘Maring’ ug ‘Lannie’ wala pay labot sa mga pagtay-og ug pagdahili sa yuta usa ray buot ipasabot: Climate change kun pag-otro sa naturalesa sa kalibutan.
Sa early morning primetime radio social commentary program nga ‘Straight to the Point,’ gipaambit ni Betty Cabasares, executive director sa environmental watchdog and advocacy organization nga Kinaiyahan Foundation Inc. (KFI) nga numero unong leksyon karon mao nga mohimo na gayud kita sa depensa sa atong mga kaugalingon haron masalbar sa delubyong hatod unya sa pag-usab sa lakat sa klima sa global arena.
Matud ni Cabasares, nahitabo na gayud ang mga ‘dire warnings’ nga kaniadto pa gipunay ug pagpasibaw ni former US Vice-President Al Gore pinaagi sa iyang multi-awarded ecological masterpiece ug environmental documentary film gititulohan ug ‘An Inconvenient Truth.’
Sa story thesis ni Gore, ang global warming maoy magtukmod sa kalibutan ngadto sa gitawag nga ‘planetary emergency and brink of disaster’ diin mapugngan lamang kini kun magbaton kita sa igong kaisog nga pugngan ang padayong pagbusikad sa ‘greenhouse gases’ mugna usab sa aktibidad sa tawo sama sa pagpadagan sa mga pabrika ug panakayan gamit ang fossil fuel.
Nagpasidaan ang environment advocate nga sa bangga tali sa tawo kontra kinaiyahan, makalolo-oy gayud ang dangatan sa naha-una hinungdan nga gikinahanglan na gayud ang lig-on nga mga aksyon karon.
Usa na diha, segun ni Cabasares mao ang pag-review sa Philippine Mining Act diin ang walay pagkutat nga pagmina gitumbok nga dakung kawsa sa pagkaguba sa kinaiyahan mientras gikasugyot usab sa ubang sektor nga lagmit dili nato mapugngan ang kalamidad apan daghan kita’g mamahimong aksyon kalakip na sa pagli-li pag-usab sa mga karaang balaud sama sa National Building Code of the Philippines.
Kasamang June Duterte
