General Santos City—Gikumperma sa asawa sa Police na si Po3 Clark Bachoco nga nakadawat ug bahad sa kinabuhi ang iyang bana ayha kini gipusil patay niadtong Domingo, Sept. 10, 2017.
Sumala ni Mrs. Febbie Bachoco nga pila ka higayon nga nakadawat ug bahad ang iyang bana kini gumikan sa kampanya niini batok iligal nga droga. gani miabot sa punto nga giapil na ang tibuok pamilya ni Bacho nga gibaharan.
Dugang pa sa ginang nga human nakadawat ug bahad ang iyang bana, siya ug ang iyang mga anak gipadala ni P03 Bachoco sa Cebu aron malayo sa peligro ang ilang kinabuhi. Nasayran nga daghang gipangdakop si Po3 Bachoco nga mga involved sa illegal drug activity ilawom sa area of responsibility sa Police Station 5.
Gikumperma usab ni Mrs. Bachoco nga una nang gitanyagan ug kwarta ang iyang bana sa usa sa iyang dinakpan aron nga iatras ang kasong iyang gipasang-at apan nag dumili si Po3 Bachoco.
