i Balita November 17, 2018 (Photo From Web. No Copyright Infringement Intended)
Gin-anunsyo sang Bureau of Fisheries and Aquatic Resources ukon BFAR ang pagsugod sang tatlo ka bulan nga closed season sa bahin sang Visayan Sea para sa sardines, herrings, kag mackerels ukon tabagak, hasa-hasa, balantiong kag lupoy lupoy halin sang november 15, 2018 tubtob february15, 2019.
Ginpahayag ni BFAR-6 Regional Director Remia Aparri nga ang pagpatuman sang Fisheries Administrative Order 167-3 ukon mas kilala bilang ‘establishing the closed season for the conservation of sardines, sa Visayan Sea sa Western Visayas ang naga-umpisa sa baybayon sang Barotac Nuevo, Iloilo tubtub sa Manapla kag Escalante sa Negros Occidental kag balik sa Gigantes Island sa Carles, Iloilo padulong sa Roxas City sa Capiz.
Gindugang sini nga kon dumilian ang paghulik sa ila, madugangan ang ila populasyon sang isda.
Ang mga madakpan nga manugpangisda nga nagapanghulik sa sahi sang natumod nga mga isda ang may penalidad nga 6 mil pesos sa tagsa ka paglapas, pagkapriso sang anum ka bulan tubtub anum ka tuig, pagkumpiskar sang ila lambat kag kanselasyon sang ila permit.
