Jamindan, Capiz- Isa ka videoke bar nga nahamtang sa Brgy Linambasan, Jamindan, Capiz ang ginpasara sang municipal government sang banwa sang Jamindan samtang apat naman ka computer shops ang ginmultahan bangud sa mga paglapas sa lokal nga ordinansa matapos ang kapaslawan nga makasecure sang mayor’s permit.
Ginmanduan ang tag-iya sang videoke bar nga untaton ang ila operasyon kag ginpabayad sang 2,500 pesos nga penalidad.
Ginpamulta man sang 1,500 pesos ang apat nga computer shops bangud sa pagpasulod sang mga estudyante sa oras sang klase.
Base sa Municipal Ordinance Number 06 series of 2011 sang Jamindan, ang mga estudyante halin sa elementarya kag high school, kag mga kabataan nga nagaedad nga 6-17 anyos ang wala ginapahanugotan nga magsulod sa mga amusement place sa tiun sang oras sang klase.
