General Santos City– Magadepende pa sa assessment sa mga regulasyon nga ipatuman human ang Hunyo 30 ang mamahimong desisyon kung ibalik ang curfew sa dakbayan. Kini ang gibutyag ni Gensan City Mayor Ronnel Rivera.
Samtang ang sobling pagbalik sa clustered checkpoint kini matud pa ang ilaha ng ginatun-an sa karon hilabina nga sunod-sunod ang nahitabong kaso sa pagpamusil sa syudad.
Gipaniguro ni Mayor Rivera nga pabiling on top ang kapulisan sa mga nahitabong insidente ug sila matud pa sa lokal nga panggamhanan ang kanunay nga naka-monitor sa mga progress report sa kapulisan.
Samtang gibutyag ni City Councilor Jose Edmar Yumang, Chairman sa kometiba sa Peace And Order sa Sanguniang Panglungsod nga magadepend na kang Mayor Rivera kung ibalik ang clustered checkpoint o dili.
Pagpaklaro niya nga tumong sa clustered checkpoint dili aron nga malimitahan ang lihok sa katawhan kundli aron nga mabatukan ang kriminalidad.
Sa hisgutanang curfew, dakong pabor matud pa siya niini gani aduna nay ordinansya ang dakbayan bahin sa implementasyon sa curfew, apan gina-konsidera usab sa Mayor ang ekonomiya sa dakbayan hilabina nga ubang mga negosyo ang wala pa makabawi tungod sa krisis nga dala sa covid-19.(LVR)
