Gipasalig ni Coalition of Lanao del Norte Utility Transport for Change o CLUTCH Chairman Raul Permites nga karon lang nga adunay nasinating crisis sa COVID 19 ang hangyo nila sa katawhan sa pagpasaka sa plitihan.
Matud ni Permites, kun ugaling mobalik na sa normal ang dagan sa sitwasyon diha-diha dayon ibalik usab nila sa normal ang pagsingil sa plete sa pampublikong sakyanan.
Karon lang panahona ilang gihangyo ang katawhan nga doblehon ang singil sa plete tungod sa gipatumang social distancing sa mga sakyanan ug pila lang ka pasahero ang ilang masakay.
Gibutyag ni Permites nga daku na kaayo ug tabang alang sa mga drivers kun mohatag sa ilang pagsabot ang katawhan sa pagpleti sa gihangyo nila karon nga kinse pesos.
Apan, gipaklaro usab nila nga kun lisod gayud sa bahin sa sumasakayan andam usab mosabot ang mga drivers kun pila lang ang ilang mahatag nga plete.
