Davao City – Balik na sa normal ang tanang sea travel sa Davao padulong Island Garden City of Samal lakip na ang byahe sa mga lantsa sa Talicud subay sa Bagyong Auring.
Sa interbyu sa RMN Davao kang CDR Restituto Concio, Coast Guard Davao head, wala nay hulga sa panahon busa gi-lift na nila ang travel suspension sa mga sakyanang pandagat.
Nagpabiling nakamonitor gihapon ang Coast Guard sa tanang mga byahe aron masiguro nga luwas ang tanang mga pasahero samtang ginatuman ang safety health protocols.
Matud ni Concio, walay mga natalang maritime incidents subay sa Bagyong Auring sa dakbayan sa Davao.
Subay niini, gipadala ang pipila ka mga personahe Special Operations Unit sa Coast Guard Station Davao ngadto sa Tandag Surigao del Sur aron mutabang sa rescue operations sa mga apektadong residente sa grabeng pagbaha nga hatod ni Bagyong Auring.
RadyoMaN Aimee Guinita
