Davao City- Nikuha na og mga oil samples sa walo ka mga vessels ang mga personahe sa Coast Guard District Southeastern Mindanao-Marine Environmental Force subay sa nahitabong oil spill incident sa Km 11, DavSam Port, Sasa, Davao City niadtong Enero 2,2024.
Sa interbyu sa DXDC RMN Davao kang Commodore Rejard Marfe, Commander sa Coast Guard District Southeastern Mindanao, gilusad nila kini aron maidentipika ang source sa oil spill.
Isumite nila ang mga samples nga nakuha sa nga vessels ngadto sa PCG National Headquarters para sa himuong oil fingerprinting sa laboratoryo.
Subay sa balaod adunay penalty o silot ang barkong nahimong rason sa oil spill.
Gibutyag ni Marfe, nahuman na pagkuha sa mga personahe sa anaa sa 30 liters nga sludge oil sa 200 cubic meters nga apektadong portion sa dagat.
RadyoMaN Aimee Guinita
Facebook Comments
