SYUDAD sang Iloilo – Ginadumilian sang Philippine Coast Guard (PCG) ang pagkarga sang motorsiklo sa mga pumpboast nga nagabiyahe Iloilo-Guimaras vice versa.
Suno sa PCG ang tikang para man sa seguridad sang mga pasahero.
Ginpahayag nu Philippine Coast Guard-Iloilo Station Commander Captain Erlinda Benliro nga limitado lamang sa mga bagahe nga ma-hand-carry ang mahimo ikarga sang mga pasahero nga masakay sa pumpboats.
Para sa mga may mabug-at nga dala, mahimo man ini makarga sa RoRo vessel.
Nahibaluan, padayon gihapon ang biyahe sang RoRo vessel kag duha (2) ka fastcraft apesar nga ginbalik na ang biyahe sang mga pumpboats/ motorbancas.
Istrikto naman ang PCG sa pagpasulat sa manifesto kag pagpasuksok sang life vests sa mga pasahero kag sakayanon.
May ginlatag naman nga kondisyon sa pagpahanugot sa mga pumpboast nga magbiyahe:
1. Fair weather only, 2. 75% passenger capacity, 3. Rolling or removing of tarps, 4. Wearing life vests throughout the voyage
Ang biyahe sang motorbanca ginapahanugutan lang halin las 6 sang aga tubtob las 6 sang gab-i.
RMN Photo
