Davao City –Naka-red alert status ang Coast Guard District Southeastern Mindanao (CGDSEM) alang sa seguridad human sa nahitabong twin bombings sa Jolo, Sulu nga nikalas og 14 ka mga kinabuhi sa tropa sa gobyerno ug sibilyan.
Sa interbyu sa DXDC RMN Davao kang CGDSEM Commander Commodore Roy Echeverria, gibutyag niini aron masigurong mabantayan dili lang ang syudad sa Davao, apan ang Mindanao batok sa mga terorista ug uban pang mga lawless armed groups.
“ Gi-upgrade nato atong status into red alert to doubled up our personnel, doubled up our efforts. The safety and security is already in place, kinahanglan lang nato i-double up,” sumala niini.
Segun ni Echeverria 24/7, ang gihimong maritime patrol sa mga personahe sa Coast Guard ug hugot usab ang koordinasyon karon sa mga residenting namuyo sa mga coastal areas alang sa pagpakusog pa sa intelligence monitoring ug pinaagi sa Security Environmental Numbering System kun pagpatuman og color coding ug tatak sa mga bangka mabantayan ug mapugngan ang mga kidnappings, piracy ug sea robbery.
Matud ni Echeverria anaa sa 17,000 mil ka mga bangka ang naka-rehistro sa ilang data base ug dali gilayon mabantayan kung adunay suspisyusong mga bangka nga naglawig sa kadagatan.
Niadtong Lunes, gideklara ni Admiral George Ursabia Jr., PCG commandant ang red alert sa tanang estasyon sa PCG sa Zamboanga, Basilan, Sulu ug Tawi-Tawi.
RadyoMaN Aimee Guinita
