Coastal clean up drive, himoon sa KBP sa Sabado

13

Ipahigayon sa Kapisanan ng mga Broadkaster ng Pilipinas kon KBP ang Coastal clean up drive sa Barangay Bonbon ning syudad.

 

Kini himoon sa adlawng Sabado, Hulyo 20 ning tuiga.


 

Matud ni Kapitan Alan Mabalacad sa Barangay Bonbon nga mapasalamaton siya sa K-B-P tungod kay napili niini ang iyang barangay nga matabangan sa paghinlo sa ilang kabaybayunan.

 

Dugang pa ni Kapitan Mabalacad nga alang kaniya nagkinahanglan usab sila og tabang tungod kay ubay-ubay sa mga basura ang gaanoron sa ilang lapyahan, kadagatan ug daplin sa suba.

 

Kini ang hinungdan nga kung motaob ang dagat ang mga basura mopadulong tanan sa ilaha, nga magresulta sa pagkapuno sa basura sa ilang mangrove area.

 

Gihangyo karon ni Barangay Bonbon Kapitan Mabalacad ang tanang residente sa iyang barangay ilabi na ang nanimuyo daplin sa kabaybayunan nga manghinlo sa ilang palibot.

 

Buot ni Kapitan Mabalacad nga makamata ang mga residente kung unsa ka importante ang pagpanghinlo dili lamang sa kabaybayunan, kondili apil sa palibot.

 

Tungod niini, nanghinaot si Kapitan Mabalacad nga pinaagi sa himoong coastal clean up drive sa K-B-P matabangan ang mga residente.

 

Nasayran nga particular nga zona nga malimyuhan karong adlawng Sabado mao ang Zone 4,Zone 2, Zone 3 ug Zone 1.

 

Facebook Comments

From Advertisers