Coastal halin sa Bacolod-Victorias ginduso sa Kamara

301

Bacolod City – Nagpasar sang hagna sanday Bacolod City Lone District Congressman Greg Gasataya kag 3rd District Congressman Albee Benitez para sa pag-construct sang coastal road halin sa Bacolod padulong Victorias City.
Suno kay Congressman Gasataya ang ini nga coastal road ang nagalaba sang kapin 38 kilometro nga magasugod sa Bacolod, kag magalabay sa Talisay City, Silay City, EB Magalona kag syudad sang Victorias.
Paathag ni Gasataya nga daku ang mabulig sang coastal road para mas madasig sa nga pag-travel sang mga pomoloyo padulong sa Northern Negros.
Sang nagligad nga semana, nagpatigayon na sang feasibility study sa DPWH Central Office kon sa diin nga mga lugar magalabay ang proposed nga coastal road.
Kon madumduman, nagfile sang resolution ang Sangguniang Panglungsod sang nakaligad paagi kay Councilor Caesar Distrito nga nagahingyo sa Department of Public Works and Highways kag Cong. Greg Gasataya nga padasigon kag dal-on bilang ‘priority list of projects’ ang Coastal Road Project.
Ini ang magaagi sa Barangay Pta. Taytay, Barangay Pahanocoy, Tangub, Barangay Singcang Airport, 35, Reclamation Area, Barangays 2, 3, 1 lakip man sa Banago.
Para kay Distrito daku ini nga bulig sa bilog nga probinsya sa diin magapabag-o pa gid ini sa landscape sang Bacolod lakip man magabuhin ang ‘volume of traffic’ sa mga mayor nga dalanon.
Ang amu nga resolusyon ang ginco-authors man nanday Councilor Cindy Tan-Rojas, Em Legaspi-Ang, Dindo Ramos, Renecito Novero, Bart Orola Sr. kag Elmer Sy.* /dyHB Bacolod*

Gasataya, Albee, Distrito

Facebook Comments