Davao City – Naka heightened alert status ang Philippine Coastguard Davao para sa taliabot nga Barangay and SK elections 2018.
Segun ni PCG Davao Station Commander Ltc. George Maganto usa sila sa mohatag og hugot nga seguridad subay kini sa gipagulang resolusyon 10275 sa COMELEC sa pag-deputized sa Coast Guard uban ang kapulisan ug armadong kusog atol sa piniliay.
Nakaandam na ang sea-marshalls, K-9 units patrol units ug sea assets nga magpatrolya sa tanang lugar nga sakop sa ilang hurisdiksyon.
Matud ni Maganto partikular nga ilang tutukan ang paghatag og proteksyon sa mga ibyahe sa kadagatan nga mga election paraphernalias, equipment, forms ug supplies.
Parte usab sa responsibilidad sa coastguard ang pagmonitor sa mga armado, terorista ug mga dautang elemento nga magsinamok atol sa eleksyon.
Matud ni Maganto muhimo usab sila’g mga rescue operations ug medical assistance kun aid.
Dugang ni Maganto, ‘No leave policy’ usab sila atol sa adlaw sa piniliay ug aduna silay augmentation forces para sa maseguradong hapsay, malinawon ug magmalampusong eleksyon karong tuiga.
RadyoMaN Aimee Guinita
