Gisiguro ni Cagayan de Oro City Police Office Director, Col. Henry Dampal nga ma-enroll sa Enhanced Comprehensive Local Integration Program kon ECLIP sa gobyerno ang tulo ka mga sakop sa Militia ng Bayan- New Peoples Army kon NPA nga bag-ohay lang misurender sa Oro Police diha sa Barangay Tignapoloan, Cagayan de Oro niadtong miaging September 24 ning tuig.
Matud ni Police Col. Dampal atol sa pressconference kagahapong adlawa kung asa gi-presenta sa sakop sa media ang tulo ka surrenderees nga kinahanglang ma-avail nila ang mga benipisyo ug oportunidad nga gihanyag sa ECLIP labi na nilang mga surenderees human nga nakadesider nga mobalik sa gobyerno ug magpakabuhing malinawon.
Samtang mahinumduman nga bolontaryong mi-surender ang tulo ka sakop sa militia ng bayan sa Police Staion 8 Lumbia sa pagpanguna sa ilang hepe nga si Police Captain Dennis Ebsolo.
Rason matud pa sa ilang pagsurender ang kagutom ug kakapoy sa sige nilag tago-tago sa kabukiran ug dili na kini nila ma-agwanta.
Lakip usab nilang gi-surender ang usa ka garand riffle nga adunay duha ka magazine ug 15 live ammos, usa ka carbine rifle nga adunay duha ka magazine ug 20 ka live ammos, duha ka rifle grenade ug usa ka calibre 45 nga adunay 10 ka live ammos ug usa ka hand grenade nga naka kustudiya karon sa Police Station 8 Lumbia.
