Gipasakahan na og kaso ang tulo ka mga babaye nga nadakpan sa kapolisan sa Macasandig ning syudad atol sa buy bust operation.
Matud ni Major Erickson Sabanal ang Hepe sa Macasandig polis nga naila ang mga dinakpan nga sila Shasha Malyn Ampaso,24 anyos, taga Tangkungan Barangay Camaman-an ning syudad, Amera Macarade, 34 anyos, taga Marawi City, ug Fatima Saharah, 25 anyos, taga Caloocan.
Dugang pa ni Major Sabanal, nga atol sa operasyon napalitan nila mismo ang mga suspetsado.
Nasayran nga ang estilo sa mga suspek kung mopalit og droga kanila una kuhaon ang kwarta ayha ihatag ang item.
Giangkon ni Sabanal nga migamit sila og dakong kantidad aron lamang nga magmalampuson ang nasangpit nga operasyon.
Narekober gikan sa mga suspek ang 60 grams nga shabu.
