BACOLOD CITY – Isa ka daku nga development sa sugar industry ang pag-withrdaw sang COCA COLA Philippines sa ila kaso nga gin-file batok sa Sugar Order NO. 3 sang Sugar Regulatory Administration (SRA) nga amo naman ang naga-regulate sa importation, pag-gamit kag pagbaligya sang high-fructose corn syrup (HFCS).
Suno kay Bacolod Lone District Congressman Greg Gasataya nga may epekto sa sugar industry sa probinsya sang Negros Occidental ang pag-withdraw sa kaso sang COKE sa diin estrikto naman nga ma-implement sang SRA pag-check sa pagsulod sang pungsod sang artificial sugar.
Samtang, nag-file naman sang isa ka hagna si Second District Representative sang Sultan Kudarat Horacio Suansing Jr. nga maga-sukot naman sang excise tax sa HFCS sa ila port of entry.
Paathag ni Horacio nga kinahanglan nga butangan sang buwis ang HFCS agud ma-protekyunan naman ang sugar producers kag indi nalang basta basta ang importation ang artificial sugar.
Kahapon, upod ang mga Congressman sang Negros Occidental ginpatigayon ang congressional hearing sa Kamara sa diin gindepensahan sini ang SRA sa regulasyon sa HFCS bangod nakataya diri ang buwas damlag sang probinsya nga mayoriya nga nagasalig sa industriya sang kalamay.
