General Santos City— Gipaklaro ni Police Senior Superintendent Romeo Ruel Berango, Acting City Director sa Gensan City Police Office nga lakip sa gipagawas nga supplemental guidelines sa Oplan Tokhang mao ang pagbawal sa mga Police Officer 1 nga muapil sa mga drug operation.
Rason nga nakatakda matud pa niyang i-revisit ang mga organizational structure sa tanang mga Police Station sa dakbayan ingon man sa City Drug Enforcement Unit kung asa gi-angkon niini nga iyaha gyud nakit-an nga adunay problema.
Pag-angkon ni Col. Berango nga kulang gyud sa ihap ang mga Senior Police Commissioned Officer sa dakbayan ug bisan sa tibuok nasud, apan ilahang paningkamutan nga matuman ang mando gikan sa National Headqaurtes.
Basi matud pa sa bag-ong mandato ngadto kanila, tanang mga operatiba sa drug enforcement unit o mga mupahigayon ug operasyon batok illegal nga druga ang magsugod na sa rango nga Police Officer 2..
