General Santos City—malipayong gidawat ni Gensan City Police Office City Director PSSUPT Romeo Ruel Berango ang 17 ka mga bag-ong high end nga armas nga x95 Tavor 5.56 rifle nga gidonar sa LGU Gensan ngadto sa GSCPO.
Sumala pa ni Col. Berango nga dako ang iyahang pasalamat sa inisyatibo ni Mayor Rivera nga paghatag kanila ug dugang mga armas aron mas mapakusgan pa ang ilang pwersa. Gipaniguro ni Col. Berango nga ilang gamiton sa sakto ang mga armas pinaagi sa pag hatag sa katawhan sa Gensan ug luwas ug malinawong syudad.
Nasayran nga ang maong mga armas gihatag ni Col. Berango ngadto sa Special Weapon And Tactics (SWAT) tungod ang maong mga armas takdo gyud ngadto kanila isip specialize unit sa PNP.
Samtang gipaniguro man usab ni Col. Berango nga adunay katakus ang mga pulis nga miyembro sa SWAT nga mag hupot sa maong armas. (Dave Silagan)
