General santos City— Gikalipay ni Police Senior Superintendent Romeo Ruel Berango, acting city director sa Gensan City Police Office ang nahimong pagdapig kaniya ni Gensan City Mayor Ronnel Rivera luyo pa man sa mga isyung iyahang gikalambigitan.
Sumala pa niini nga dako ang iyahang pagpasalamat sa mayor sa pagsalig nga ginahatag kaniya ingon man sa pagdayeg sa mayor sa iyahang trabaho kung asa iyaha lang matud pang ginahimo ang iyahang mandato aron nga mapabilin ang kahapsay ug kalinaw sa dakbayan.
Pagpaklaro niya nga isip usa ka public official, gikinahanglan nga adunay pagsinabtanay ug wagtangon ang unsa mang personal nga interest aron nga makaserbisyo ug sakto ngadto sa katawhan. (Dave S. Silagan)
Facebook Comments
