Col. Berango, nagpasalamat sa mga kritiko

25

General Santos City— Gilauman ni Police Senior Superintendent Romeo Ruel Berango, kanhing labaw sa Gensan City Police Office nga ipadayon ni Police Senior Superintendent Raul Supiter ang iyahang mga programang nasugdan.

Apan iyahang gipaklaro nga isip mga opisyal aduna silay magalahing style sa pagdumala apan dako ang iyahang pagsalig nga kini ang alang sa kaayuhan sa kadaghanan.

Nakatakda man usab siyang magpahigayon ug exit call kang Gensan City Mayor Ronnel Rivera aron nga personal nga makapagpasalamat sa suportang gihatag ngadto kaniya.

Magpahigayon man usab siya ug exit call ngadto sa uban pang opisyal sa dakbayan nga iyahang maabtan hilabi na nga sagad kanila ang nakabakasyon na gumikan sa semana santa aron nga magapaabot sa iyahang pagpasalamat.

Dako man usba ang iyahang pagpasalamat sa hut-ong sa media gumikan sa suportang gihatag ngadto sa gscpo ilalom sa iyahang pagdumala ingon man sa mga komentaro batok kaniya nga sumala pa gihimong niyang hagit aron nga maka-serbisyo pa ug sakto.

Facebook Comments