General Santos City–Gidayig ni Police Col. Aden Lagradante ang ang city director sa General Santos City Police Office ang iyahang mga sakop sa ilahang gihimong one time big time operasyon nga miresulta sa pagkasikop sa 8 ka mga drug pushers sa syudad.
Sumala pa ni Col. Lagradante nga nagpakita lang matud pa kini nga maayo ang intelligence network sa GSCPO hinungdan nga nasakote ang mga nahisgutang suspect.
Dugang pa niini nga pinaagi usab sa pag tinabangay sa city headquarters ug sa mga Police Stations ug ubang ahensya sa goberno mas napadali ang ilahang pagdakop sa mga naga lambigit sa iligal nga droga sa syudad.
Samtang pinaagi matud pa sa maong operasyon nakita sa kapulisan nga daghan gayud ug mga nagapamaligya ug iligal nga droga ang mag ilhanay lang kung asa sila-sila ra usab ang ga-supply sa matag usa.
Sumala pa ni col. Lagradante nga gikinahanglan gayud nga ma-establisar sa kapulisan ang matrix sa mga drug pusher sa syudad ugaling makakuha na sila ug impormasyon gikan sa ilahang mga dinakpan.
Pinaagi matud pa niini dako ang posibilidad nga masikop nila ang uban pang kaubanan niini ug ang posibleng source sa iligal nga droga.
Samtang sa nahimu matud pa nga imbistigasyon sa tropa sa GSCPO migula nga gikan sa ubang lugar ang mga droga nga nagasulod dinhi sa syudad.
Modus matud pa sa mga drug pushers nga mukuha ug bulto-bulto nga supply gikan sa silingang mga dapit ug ginadala sa Gensan aron nga dinhi usab idistribute ngadto sa ilahang mga kaubanan.
Sa karon mas ginapahugtan na matud pa sa kapulisan ang ilang intelligence monitoring kabahin na sa maong modus aron nga mapugngan nila ang pag sulod sa iligal nga droga sa syudad. (Dave Silagan)
