General Santos City—Gimando na ni Police Senior Supt. Raul Supiter, ang city director sa General Santos City Police Office (GSCPO) ngadto sa mga chief of police sa kwerpo sa kapulisan sa sakbayan nga dunay mga nahitabong pagpamusil ang pag pahigayon ug makuting imbistigasyon sa mga nahitabong shooting incident sa ilahang area of responsibility.
Apil gimando ni Col. Supiter ang pag-ila sa mga suspect sa maong krimen.
Sumala sa opisyal nga basi sa mga nakuha nila nga mga impormasyon kasagaran sa mga gipangpusil patay sa syudad ang adunay kalambigitan sa iligal nga droga o dili ba kaha iligal nga binuhatan apan gipaniguro niini nga sayron gayud sa kapulisan ang ugat hinungdan sa maong mga pag pamusil aron nga mapasakaan ug tukmang kaso ang mga suspect.
Giangkon man usab niini nga naalarma na sila sa sunod-sunod nga pag pamusil sa syudad hinungdan nga mas gipahugtan pa nila ang ilahang pagpaningkamot matag karon ug unya aron nga dili na ma-usban ang maong mga panghitabo..
Sa pikas bahin giwelcome man usab sa kapulisan ang mamahimong tabang sa mga human rights group sa ilahang imbistigasyon ug galing aduna silay ikatabang sa imbistigasyon ug gihangyo nga mag tinabangay nalang aron nga paspas nga masulbad ang maong mga kaso. (Dave Silagan)
