San Pedro Dapitan City-Gipaningkamutan karon sa Department of Agriculture (DA) nga mapuslan pagbalik ang wala na nagamit nga Ice Storage anaa nahimutang sa Brgy. San Pedro, sakop sa dakbayan sa Dapitan.
Kini ang gibutyag ni DA Sec. Manny Piñol aron sa ingon nga dili na maproblema ang mga Fisher folks kung asa sila magkuha ug ice ilabi na nga daghan nga mga isda ang makuha diri sa kadagatan sa Dipolog ug sa Tibuok probinsya sa Zamboanga del norte.
Sa pangutana ngadto kang Sec. Piñol, kung si kinsa ang mo dumala sa maong Ice Storage siya nagkanayon nga pagadumalahan kini sa kasaligan nga kooperatiba uban sa project management team gikan sa department of agriculture.
Matod pa ni Piñol nga biktima lang kini sila sa pulitika, aron mapalahi ang maong proyekto sa pulitika iyang gihangyo si Gov. Uy ug misugot kini.
Iyang gihangyo ang provincial government nga i liquidate ang nahabiling 2 milyon aron inig kahuman ang DA-BFAR na ang mo facilitate, human niana ilang nang pillion ang kasaligan nga fisher folks cooperative*.*
Karon nga tuig ang target nga magamit na ang maong Ice Storage tungod kay daghan na kaayo ang Isdang Tamban nga makuha diri kini karon ang gitawag nga income early opportunities which are loss in the process, kung mapadali ang pagtrabaho niini, posible pa kining makadugang sa kita sa mga mangingisda sa Zamboanga del norte*.*
