General Santos City—Midangop sa buhatan sa Police Station 2 ang usa ka 31 anyos nga collector human kining gitulis sa wala pa mailhing suspetsado sa may divertion, Road barangay Sinawal, Gensan.
Biktima giilang si Bernie Largo, 31 collector sa lending ug residenti sa Barangay Fatima, Gensan.
Subay sa sumbong sa nasangpit sa kapulisan nga sakay kini sa iyang motorsiklo alas 10:00 ang takna sa buntag sa nakalabayng adlaw kalit lang matud pa kining giharang sa duha ka mga lalaking sakay sa XRM nga motorsiklo kolor combination ug puti ug itom.
Mideklara ug tulis ang mga nasangpit dungan sa pagtion kaniya ug wala matinong matang sa pusil. Tungod sa tumang kahadlok sa biktima, iya nalang gihatag ang iyang collection nga kwarta kantidad ug P10,000.00.
Sa karon naghimo na ug makuting imbistigasyon ang kapulisan kalabutan sa maong insidenti.
